Senvuale

De Antonio mi defore ekobservis Renatan kiu transiris la Placon kun alia ulino, eble studantino, nigre vestita, kun griza vualo, certe el iu religia lando. Videblis nur la vizaĝo. Interesa penso - sub la vestoj ambaŭ estas inoj. Kiel aspektus la mondo se ankaŭ Renata portus vualon?

Antaŭ kelkaj tagoj Renata memorigis min pri la unua fojo, antaŭ pli ol plena jaro, kiam mi unuafoje vidis ŝin nuda. Mi pense revivigis la pacigan samtempe ekscitiga etoso de la teraso tiun varman tagon. Mi memore vidis la nekonatan korpon, la ekvidon de la mamoj, la belan postaĵon, la abundan pubharaĵon.

Renata diris: "Mi estis iom senkomforta. Mi estis nuda, vi estis la ulo de Anja kaj mi ankoraŭ apenaŭ konis vin."

Kaj malgraŭ tio ŝi ne surmetis vualon.

Publikaj geĉefurbuloj

Sabate, sur la Placo. Juna virino kaptis mian rigardon. Ŝi ne portis mamzonon, nur leĝeran supraĵon kiu apenaŭ tenis ŝiajn grandajn mamojn. Ili preskaŭ elfalis el la eta vestaĵo.

Poste mi ekvidis la edzon de la vidindulino, sed li unue vidis min. Li ekkoleriĝis, kriante ke mi gape rigardaĉas sian edzinon ("antaŭ ĉio la panojn"). Mi neis tion, sed li ne kredis min. (Kaj nature li pravis - kiel mi povus ne alrigardi la pli ol duonnudajn antaŭaĵojn de lia kunulino?).

Policisto ("Kio okazas, gesinjoroj?") alvenis antaŭ ol li sukcesis mortigi min. La viro "klarigis". (Li parolis ĉefurban dialekton, la edzino ne diris vorton, sed verŝajne ankaŭ ŝi estas ĉefurbulino, ĉar mi antaŭe neniam vidis ŝin.)

La okuloj de la policisto ekfiksigis la mamojn de la ino, kaj mi sukcesis forŝteliĝi.

Bone, la viro ne sukcesis mortbati min. Sed mi estas certa pri tio ke li la saman vesperon batis sian edzinon. Kiel inoj trovas tiajn ulojn?

Mi rakontis tion al Renata. Ŝi: "Oni ne ĉiam havas grandan elekton ..."

Ĉu?

Sonĝado

Sonĝo aŭ ĉu koŝmaro? Mi sonĝis ke mi enlitiĝis kun Mette kaj Rumi, du el la inoj el la kampadejo. Sed nun estis Mette la danino kiu estis glatrazita, dum la bela bulgarino havis kreskaĵaron de fortaj nigraj haroj. Ili malseke kisis min dum mi palpis al ili la interesajn korpopartojn.

Renata enmiksiĝis en la aferon, postulante ke mi amoru kun la edzino de nia najbara belgo. La belgino certe aspektis pli aĝa ol antaŭ du semajnoj, sed ne eblis al mi nei, kaj dum mi amoris kun ŝi, mi ridardis kiel Mette kaj Rumi okupigis sin kun Renata. Rumi knedis la mamojn kiuj nun havis la grandecon de retpilkoj, dum la danino fervore prilekis la nudan subventron. Samtempe ŝi metis sian tutan pugnon en la ujon de Renata.

Mi vekiĝis, sola, kun forta erektiĝo. Renata verŝajne dormis en sia ĉambro. Kelkajn horojn pli frue ni amoris, kaj mi lekis al ŝi la ŝviton de ŝia dekoltaĵo.

Laŭ Golo mi pensas pri virinoj la tutan tagon. Mi pensas ke li pli ol malpravas. Sed miajn sonĝojn li ne konas. Ĉu Golo ne pensas pri virinoj la tutan tagon? Eble li tute ne pensas pri inoj.

Amori kun Renata

Dum la lastaj tri monatoj mi preskaŭ ĉiutage amoras kun Renata, kaj kelkajn tagojn eĉ du- aŭ trifoje. Kaj malgraŭ tio mi esperas ke Anja revenu. Ĉu la reveno de Anja baru al Renata la vojon al mia lito?

Mi kuŝas sub la kovrilo. Tiele ne malofte komenciĝas. Mi ĵus komencis legi libron kiam Renata eniras la ĉambron. Ni parolas dum kelkaj minutoj dum ŝi senceremonie senvestiĝas. Foje mi helpe dehakas al ŝi la mamzonon. Nuda ŝi forigas la kovrilon kaj ridete konstatas ke mi jam pretas. Ŝi permane karesas min, poste ŝi enbuŝigas min. Ŝi suĉas min. Renata tre agrable suĉadas, kaj okazas ke ŝi tiele orgasmigas min.

Renata kuŝiĝas surdorse. Mi iomete lude karesas al ŝi la mamojn, poste enigas min. Aliajn fojojn mi prenas ŝin de malantaŭe dum mi rigarde ĝuas la vidon de ŝiaj dorso kaj postaĵo. Ni ŝanĝas pozicion. Mi preferas ke ŝi kuŝu surdorse, tiel ke mi povas profunde rigardi al ŝi la okulojn dum mi moviĝas je ŝia korpo. Mi sentas la varmecon de ŝia korpo, la ritmon de ŝia spirado, la muskolojn de ŝia vagino, kaj fine mi eble perceptas ŝian orgasmon. Mi ĝojas kiam ni orgasmas samtempe, sed ne ĉiutage estas tiel.

Poste Renata ame purigas al mi la membron, unue perbuŝe, poste kun tuketo. Kiam ŝi preparis min por la nokto, ŝi iras en la banejon. Purigi virinan korpon postulas pli. Renata foje dormas kun mi, foje dormas en sia propra lito. Kiam ŝi dormas kun mi, mi bonvenigas ŝin kiam ŝi ankoraŭ varma kaj duonmalseka glitigas sin sub la kovrilon. Mi karese ludas kun ŝiaj mamoj dum ŝi flustre paroladas al mi. Poste ni ekdormiĝas.

Bankuvo

Hieraŭ ni inaŭguris la novan bankuvon. Renata nature jam provis ĝin la unuan tagon, sed por vere ekuzi tripersonan bankuvon, oni devas kunigi kompletan triopon. Mi invitis Flavion. (Mi invitis lin antaŭ ol Renata invitu Frankan. Domaĝe, ŝi laŭdire planis inviti Erikan). Flavio kaj Renata ŝercis kiel ĉiam, li frapetis al ŝi la postaĵon ("He, ne faru!"), kaj kiel mi ete timis, li tuj ekvidis mian senharecon. ("Kion vi faris al vi?"). Mi: "Tion vi jam vidas, ĉu ne?". Li: "Sed kial? Tiel faras nur ulinoj!"

Renata savis min: "Ne nur ulinoj. Se vi kuraĝis viziti nin pasintsemajne, vi jam vidis. Ĉu mi trovu al vi razilon?". Li: "He, ulino, ne dankon, mi permesas al vi ĉion, sed tion ne!"

Li kunportis bieron ("Mi maltrafis la ĉampanon, sed mi trovis bieron"), kiun ni ektrinkis kuŝantaj en la varma akvo de la kuvo. Jen agrabla vespero, kun Flavio, Renata, varma akvo kaj malvarma biero! Poste Flavio kaj mi revestiĝis dum Renata ankoraŭ nuda iris ien-tien antaŭ ol enlitiĝi.

Finiĝis miaj ferioj kaj mi revenis al la laborejo. Surprizas min ĉiam kiel rapide kelkiuj informiĝas. Kiam mi parolis kun Elizabeta, ekster la pordo de Ekonomio, Lada demandis al ni: "Ĉu vere veras ke vi kune vizitis nudistejon?". Elizabeta respondis: "Ne kune. Sed ni jes vizitis la saman kampadejon." Lada: "Mi neniam vizitis nudplaĝon. Mi pensas ke mi sentus min tre nuda ..." Elizabeta: "Nature. Sed nur komence. Estas rekomendinda. Vere" (Bone, se Elizabeta sukcesos inviti Ladan al la Altlerneja Banado, ankaŭ mi membriĝu.)

Ni revenis hejmen

Mankas vorto en la vortaro de Esperanto: vorto pri la sento de vestaĵoj kontraŭ sunbronzita haŭto post dek du tagoj da nudumado. Verŝajne la maljuna verdulo neniam spertis nudecon dum tiom da tempo. He, malspertulo!

Kiam ni revenis hejmen, la metiistoj jam finigis la novan bankuvon. Jen tripersona bankuvo, kio oni nomas tion? Kaj tra la dormĉambra fenestro ni vidis la policon aresti dekduo da genarkotikemuloj post koncerto. Jes, ni forestis dum iom da tempo.

Alia afero: Sur la Placo ĉiuj portas vestaĵojn (jes ja, mi scias ke oni ĉiam faras tiel), kaj mi ne tuj vidis ĉiujn nudajn dorsojn, ventrojn, troe movemajn mamegojn, femurojn, interfemuraĵojn, umbilikojn, mampintojn, traboraĵojn, postaĵajn disfendiĝojn ktp. Mi ne tuj vidis ĉu bela ulino glate razas sin aŭ ĉu ŝi kreskigas abundan hararon. Tio mi devis imagi al mi. Jen nova aventuro. Jen konata aventuro.

Hieraŭ mi vizitis Flavion. Jes, Golo pravis: Flavio aĉetis amorpupon. Unue li montris al mi la kaseton, poste ankaŭ la pupinon. Ĉu vere eblas amori kun tiaĵo? Li montris al mi la mamojn, sufiĉe firmajn kaj ne malbelajn. Kiam mi ekscivolis pri la subventro de la pupo, Flavio haltigis min. Ŝi (la pupino) portis kalsoneton. Se mi ne eraras, estas unu el la kalsonetoj de Ildiko.

Matenmanĝo

Renata demandas: "Kun kiom da inoj vi amoris dum ĉi-tiu jaro?" Mi: "Vi jam scias. Kun kvin." Ŝi: "Bone, kaj kun kiom da uloj?" Mi: "He, mi ne amoras kun uloj!"

Renata trinkas el sia taso: "Mi nur demandas." Mi: "Kaj vi, kun kiom da uloj?": Ŝi: "Kun du". Mi: "Kaj kun kiom da inoj". Renata: "Kun unu."

Mi: "He, ĉu kun ino? Kun kiu?". Ŝi: "Mi tion ne demandis al vi."

Mi tranĉas pecon da fromaĝo. Bone. Kun kiu? Ĉu kun Franka? Ĉu Erika? Aŭ ĉu kun Anja? Interesa penso.

Renata: "Ĉu plaĉis al vi Tania?"

Hieraŭ vespere, malfrue, Renata invitis Tanian, kun kiu ŝi ja "ne plu parolos". Tania kunportis vinon, ni havis bieron, tio ĉiam estas amuziga kombinaĵo.

Mi: "Kial vi foriris?". Ŝi: "Evidente, por ke vi estu solaj. Mi prenis noktan banon."

Tania ne estis tiom strikta kiom mi pensis. Ni kuŝiĝis sur la planko kaj ŝi malrapide rajdis min, tre lerte. Kun kiom da uloj ĉi-jare amoris ŝi? Mi ĝuis, poste mi perfingris ŝin dum ŝi pinĉis al si la cicojn. Ŝi laŭte orgasmis.

Tania duŝadis. Poste mi duŝis (malvarma akvo, ŝi foruzis la varman). Kiam mi finiĝis, Tania jam foriris. Post la koito ni ne interŝanĝis solan vorton. Aliflanke, kiel oni scias, ni ne havas komunan lingvon. Mi enlitiĝis, kaj ne diris vorton kiam Renata poste glitis sub la kovrilon.

Lasta matenmanĝo en la kampadejo. Renata stariĝis, demetis la mamzonon kaj ŝerce ĵetis ĝin al mi.

Mi diris: "Feliĉe ni baldaŭ iros hejmen. Kaj mi deziras ke Anja revenu". Renata: "Bone, mi konsentas."

Ŝi eliris la bangalon. Kia ulino. La amikino de mia amikino.

Nudaj nuduloj

Mi diras: "Renata, vi ne estas nuda". Ŝi tuje ekkontrolas: "Mi ne estas nuda, ĉu?"

Mi montras al ŝiaj piedoj, aŭ pli ĝuste al la malbelegaj, travideblaj ŝuoj de plastiko kiuj malkaŝas ŝiajn piedojn. Se geuloj estu nudaj, ili estu nudaj. Mi dum preskaŭ du semajnoj iris nudpiede, la unuajn tagojn ne ĉiam agrablis, sed post kelkaj tagoj la piedoj sufiĉe hardiĝis. Renata aĉetis nudistajn ŝuojn en la vendejeto.

"Se vi ne estu nudpieda, kial ne simple uzi viajn sandalojn?". Renata: "Ili estas ruĝaj. Oni tuj vidas ilin."

Ĉu Renata deziras ke oni rigardu al ŝi kaj ne al ŝiaj sandaloj? Tio ne ŝajnas al mi granda problemo, tial mi primokas la ŝuojn. Sed mi ne primokas la sportan mamzonon kiun Renata surmetas kiam ni solas en la bangalo. Nature ŝiaj grandaj mamoj bezonas subtenon, eĉ en naturista kampadejo. Sed feliĉe ŝi demetas ĝin kiam ni amoras.