Eble legantoj ekhavis malĝustan impreson, vidu antaŭan poston, sed vidante Renatan nuda mi ne povis malhelpi altiron. Kion fari? Mi loĝas jam preskaŭ tri jarojn kun Anja, kaj ni havas bonan rilaton. Sed ne okazas ĉiutage ke fremda virino nude sunumas sin sur nia teraso. Almenaŭ preskaŭ fremda, mi ja konas ŝin nur semajnon.
Nenio povas kaj devas okazi. Kaj estus ankaŭ malĝuste se legantoj kredas ke mi nur pensas pri la korpo de Renata. Estas interese paroli kun ŝi, kaj ŝi estas tre inteligenta virino.
Kiel longe ŝi ankoraŭ loĝos ĉe ni? Unuflanke mi dezirus ke la somero baldaŭ finiĝos, tiel ke ĉio revenos al ordinara, ke fremdaj virinoj portos sufiĉe da vestoj, kaj ke Anja kaj mi denove vivos solaj ...
No comments:
Post a Comment