Ĉu mi jam menciis Johanan, la nova blondulino ĉe Vendo? (Jes, en tiu posto.) Mi ankoraŭ preskaŭ ĉiutage vidas ŝin, ekzemple en la manĝejo, aŭ kiam mi trairas la ĉambraron de Vendo. Kion mi volas diri estas: Ŝi ankoraŭ ne malaperis. Kaj ŝi ŝajne ankoraŭ ne retrovis sian mamzonon. Mi volonte konfesas ke plaĉas al mi la vidon de ŝiaj cicoj sub la delikata ŝtofo de ŝiaj blankaj bluzoj. Sed cetere ŝi ne estas mia tipo.
Iu kiu fakte malaperis estas la Dikulo de Vendo, la ĉefo. Mi ja ne multe atentis pri li, sed Lada demandis al mi: "Kie li estas? Kaj kion ja faris li kaj Johana? Kaj kio entute okazas ĉi tie?" (Ne scias mi. Ja virinoj estas pli atentemaj.)
Lada estas la nova ĉefino ĉe Transporto, tre simpatika ulino. (Sed "Lada" ja estas malkomuna nomo por virino. Nu ja, ŝi estas ĉe Transporto, kaj ankaŭ en Hispanio virinoj kelkfoje havas aŭtomobilajn nomojn, ekzemple Mercedes.)
Jes, Lada rimarkis ke la Dikulo forestas, kaj poste neniu vidas lin dum pli ol semajno. Kaj Johana havas la ŝajnon de nenio.
Mi demandis al Elizabeta, ja mi ĉiutage trovas okazon por paroli al ŝi. Sed ŝi diris: "Tio ne estas mia afero!" Evidente ŝi scias ion.
No comments:
Post a Comment