2006-07-12

Kontraŭmonogamie

Anja mankas al mi. Sabate ni ambaŭ ĉeestis la geedziĝon de Nataŝa kaj Antonio. Anja kisis min survange, niaj okuloj apenaŭ renkontiĝis. Antonio ĝojis denove vidi nin. Jen la unua fojo ke mi ĉeestas la geedziĝon de virino kun kiu mi amoris.

Mi neniam edziĝos. Tiun sabaton mi klare vidis la nenaturecon de monogamio. Mi deziras esplori la eblecon de la libereco, kaj Anja ne baros min. Nu, kion faris ŝi dum tiuj monatoj? Mi forte esperas ke ŝi trovis amoranton. Bone, mi rapide ebriiĝis.

Anja re-reiras al sia patrino. Antonio kaj Nataŝa, kaj la fratinoj kaj la gepatroj kaj la geonkloj de Antonio, reiras al Italio. Kaj mi kun Renata pasigos semajnon ne en tendo sed en kabano. Du geuloj en kvarpersona kabano, Renata aranĝas kaj mi pagas.

1 comment:

Riĉjo said...

Mi ja konsentas. Vera amanto ne barus amon for de la alia.